لاحدك الوقت

10-10-2009, 01:55 PM

مايطلع الروح غير الموت والحاجـة
والموت (هيّن) لكّن الحاجة (مصيبه)

لاحدك الوقت بين الليـل واسراجـة
ماتميّز العمر.. من كثـرة عذاريبـه

يهبّ..ياجرحي اللي ماعرف علاجـة
يهبّ من كثر حزني صعـب ترتيبـه

الكذب..بحرٍ (كهل) وتخرّف امواجـة
والصدق (طفلٍ)حبيب وعيب) تكذيبـه

واشيب عيني وآسقم الرمش واحراجة
الدمع ضيفٍ نسـى قيمـة معازيبـه

يابابي اللي خشبـك يخـور مزلاجـة
ياجدري استح على(ظلك)وشف عيبه

والله يعـزّ العزيـز ويكتـب فراجـة
ويصبّر الصابر اللي شـاف تعذيبـه

شوف العدالة بتـال العمـر منعاجـة
وياصاحبي خلها بالقلـب تمـي بـه

مين احتري كـل يواعـد ولايواجـة
ومن يقبل البعد عيب اقبـل بتقريبـة

صاحبك مل الظما مـن دون هداجـة
وكلمـة توديه(وييين)وكلمـة تجيبـة

هرج سمعتة وهـرج غـاب هرّاجـة
وهرجٍ على اول لساني ماقدر احكي بة

راع (الجمايل) يضيق ويضحك حجاجة
وراع (المطاليب ) ماتقضي مطاليبـة

هذا علـى سنـة الاسـلام منهاجـة
وهذا لو يموت ماتدري وش اللي بـه

وهذا لو ان الفرج مسفوط بادراجـة
ماينقذ اللي صبر لو مات يرجـي بـة

الليل مايقدّي الظلمـا مـن سراجـة
والشمس بكرة تبيّـن (كـلٍ وطيبـه)

اموت واحيا وراسي مانهـزع تاجـة
وابقى على عزتي لو طالـت الغيبـة

وان خيروني مابين (الموت والحاجة)
اختار موتي واقول الحاجـة مصيبـة

10-19-2009, 01:41 AM

مشكور والله يعطيك العافية

10-22-2009, 01:36 PM

منور والشكر موصول لك لاعدم

التوقيع · 11-03-2009, 07:35 PM

مشكور والله يعطيك العافية

على القصيدهـ الجميله والرئعه

11-12-2009, 07:28 AM

الشكر موصوول لك لمرورك العطر لاننعدم...

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الإهداءات