••



نزعل ونتكبّــر وحنا من الطيـــن
والكل منا صــــدّ لا أقبل خويّــه

نفخر نقول إنا على الصد قاوين
وهــــي علينا في الحقيقــــة قـــويه

نشفق على الطيبة و كسب الكريمين
وهذي بنا لاشك فعــــلة رديـــــــه

ننسى نهايتنا وعلى وين ماشيــــن
وننسى الزمان اللي جمعنا ســـــــويه

المشكلة ماهي بـ حاجة لــ تخمين
ولاهي بعد ياناس صعبـــــة القضيـــه

دق الرقم : كيفك .. هلا فيك ... وأهليــن ...
أنــا الخـــوي اللـي مـــــزعّــل خويــــه

قلّه : تغيب وصـــورتك داخل العين
ويبقــى لـ حبك في خفـــوقي بقيــــــــه

أخوان حنا لو يجي بيننا شيــن
و مانفتــــــرق دام المحبـــــــة نديــــه

خلك قــوي لاتحتــــكرك الشياطين
قبل الفوات وقبل وقت المنيــــــــــــــه

كلّم خويــك بـــ اطيب الهرج واللين
وأعرف جميل الهرج يمســــح رديـــــــه

هذي هي الدنيا من الحين لـ الحين
لابد بين الناس تحصــــــل خطيــــــــه

ومن لا يقدّر غلطــــة أحبابه الحيــن
يقــــرأ حـــــروفي ويعتبرها هــديه

باكر تمر سنين وسنين وسنيـــــن
والــــــكل يرحــــــل في الدروب المــــديـه

صدقني تندم وأذكر حروفنا زين
تندم على خلك إذا غاب ضيّــــــــــه

دنيا غريبــــة وأكثر آلناس ماشين
وكم صــــآحبٍ والله دفنته بــ يديـــــه

••


دمتمـٍ . دمتمـٍ . دمتمـٍ .. سسـآلميٌنٍ

مشكور والله يعطيك العافية

مشكوره ختي على مروركي الرائع على الموضوع

ومشكوره على ردك الجميل