عاذره ياقلبي وذا غصب عني شي يريده هو غصب ألبيه حتى ولو كانه بجرحه طعني وش عاد لو متنا بين اياديه أحبه ولو جرحة عليه جرحني أحبه بقساه وهجره وتجافيه أحبه يالعنبو من يلمني واحب تراب مشت فيه رجليه بصبر عليه يازين حب التأني وش عاد انا بخسر وله قلت لبيه دامي تأكدت انه بحبه غمرني عادي بكيفه يسوي اللي يسويه حب وضمنته . يمكن ماضمني؟ خله يخطط وانا استانس عليه اضحك بقلبي وابين له كأني محترق بجفاه وهجرة وتغليه وبكيفة يمينة شماله يقلبني لحد مايتأكد وش القلب يخفيه عقبها؟ مما شاف ؟ بيتأكد اني اعشقه واعشق تراب مشت فيه رجليه