//
السلام عليكم ورحمة الله وبركــآته






متواضعه لعلها ترتقي إلى ذوقكم الباذخ


اترككم هـــآ هــــ،ــــآ

مع


.•´¯`•-> (ليلة ودآع ) <-•´¯`• ‏




في ليلة ٍ ظلمـا علـى بزغـة النـور
نور (ن) ضوى و آروى بضيّه كيآنـي
*

في غرفة ٍ تجمع ابها احساس و اشعور
كونت منهـآ المملكـه ف/ المحآنـي
*

يآمآ اجتمعنآ وافترقنـآ علـى الفـور
يامـا و يامـآ بالمحـبـه غشـآنـي
*

غابت علي اشهور واشهور واشهـور
بغيابهـآ روحــي تـعـد الثـوآنـي
*

جآني على طول الشقى صفحة اعبـور
اليـن يضـوي روح قلبـي مكـآنـي
*

عشت الالم واقع وبه سبعـة ابحـور
لين الآمـل يرسـم حـدود الموانـي
*

جتني بعد غيبه علـى ايدهـآ ازهـور
حتى الزهـر مـن يدهـآ مـا بغانـي
*

يختـال فيهـا الليـل والليـل مبهـور
سبحان من صور جمـال .. وغطَآنـي
*

رقه .. دلع .. ذوق ٍ بها حيل مشهـور
صدق العطآء واحساس عذب وحنانـي
*

يوم اقبلت في دربها الشـوق منثـور
والعشق في صدره وصدره نصآنـي
*

عشق ٍ يثـور بداخـل القلـب ويفـور
يثـور فـي سكـرة غـرام احتوآنـي
*

دآر الكـلام وبسمتـه تتقـن الـدور
وعيونهـا بالدمـع فآضـت ليـانـي
*

تضحك وتخفي جرح من عام محـذور
تخفـي علـوم ٍ بالحشـى و تخفانـي
*

قالت على فرقاك يـا الـروح مجبـور
افارقـك فـرقـا عـيـان ٍ بيـآنـي
*

طبع الزمان اللي جمعنـا بـلآ شـور
يعلن فراقي لك يـا عشـق الزمانـي
*

امانه ان غآبت علـى حالـي ادهـور
تذكـر عشيـر ٍ بالغـلا مـا نسآنـي
*

راحت .. وانا من صدمتي حيل مكسور
كيف الزمآن اللي بعشقه رمآنـي ؟؟!!
*

حورية ٍ مالت على القلب ب( آعطور )
و اضحت تعّطر فـي حياتـي زمآنـي
*

قلبي لها من غيـر حـرّم ومحظـور
والها على ملـك المحآنـي ضمآنـي
*

اسمهـا فـي داخـل القلـب محفـور
منحوت حـب اللـي هويـت وهوانـي
*

حالي عقب فرقاه مـا هـو بمستـور
الدمـع مـن سبتـه يامـا بـلآنـي
*

قلبي بها ديرة وصـدري بهـا سـور
ومواطنـه قتلـى صـروف الآمآنـي
*

ياليلة فيهـا اعتمـى واندجـى النـور
دام القمـر غايـب وحزنـه يبـآنـي
*

ياليل جاني للشقـى صفحـة اعبـور
اليـن يضـوي روح قلبـي مكـآنـي
*