السلام عليكم ورحمة الله وبركاته

هذي طلعتنا للشرقيه بصراحه هبال
من ركبنا السياره حتى وصلنا للشرقيه
حبيت اقولكم احداثها واتمنى تعجبكم عشان تطلعوا معنا المره الجايه
<<اللي بايع عمره يطلع معها
والله والله حلوه الطلعه معي
<<اقول لا يكثر ادخلي في الموضوع
هههههههههه المهم حلونا ندخل في صلب الموضوع
اول شي جهزنا الاغراض ركبنا السياره
والبيت كله متحمس مرينا اخوي وزوجته
وبدت رحلتنا من هنا مشينا من الرياض الساعه 5المغرب تقريبا
وبما انا عائله فما فيه امل نوصل الساعه 8 وصلنا على الساعه 9
كل شوي وقفوا نبي مويا وقفوا نبي ببسي وقفوا نبي الحمام وهكذا
ماوصلنا الا وروحنا طالعه من الحنجره اللي في الرقبه
طبعا الناس يوصلون من السفر يستأجرون شقه ويريحون
لا حسن هادي فاملي هذولي (سبيشل)
وصلنا بس استأجرنا الشقه وعلى طول (لشاطئ نصف القمر)
عاد هنا بدت الدجه وصلنا وحنا معنا طراطيع(العاب ناريه)
من حق العيد اول مره ما نخلصها في اول يوم في العيد
<<<افا ليش تخلصها وهي تبي تجنن الناس هنا<<شريره
المهم جلسنا نلعب فيها واخوي مشالله عليه طويل شوي واختي اللي اكبر مني
(جوجو)قررت تخوف اخوي راحت اخذت وحده من الاعاب الناريه ورمتها عند رجوله
وهو متحمس يسولف مع اخوي الثاني ومانتبه لها
انفجرت عند رجله وهو فز من مكانه من الخوف شال اختي بعبايتها في غير شعوره
ويقوولها والله لارميك الحين في البحر<<هههههههههه العائله كلها ملاحيس
كان عمتي وعمي معنا كلهم مو متزوجين فاجو معنا عمي المسكين صدق انه بيرميها
في البحر جلس يقول خلاص اخر مره خلها
فضحنا وربي الناس وقفوا ويناطرون وهي جلست تصارخ حست ان الارض بعيده عنها
المهم بعد ماضحكوا الناس علينا نزلها جلسنا شوي مع بعض وبعدين رحت انا واخواتي
(نونو-جوجو) وعمتي (لولي)
جلسنا نتمشى وقررنا ندخل انا وجوجو البحر <<عاد هي وجوجو نفس العقليه سبحان الله
المهم دخلنا وعلى اذان الفجر قمنا نبي نصلي ونروح المسجد عن طريق البحر برجولنا
شفت حفره جوات البحر قالتلي اختي شوفي ياريم جحر ثعبان على بالي قالت جحر ضب
هي كانت تمزح بس انا مصدقه لا وضب بعد
ههههههههههههه تعالوا وشوفوا جلست اركض
ههههه ضب في البحر ياكبرها
حسيت اني شاربه شي قبل امشي من البيت
نكمل القصه ركضت وركضت وهي تنادي تقولي وقفي ياهبلا امزح معك وقفت وبعدين استوعبت
انه مستحيل ضب يكون في البحر جلست اضحك على نفسي
المهم كملنا طريقنا وطلعت الشمس وحنا رايحين المسجد عاد مع المويا المشي صعب وثقيل
وبعدين اختي قالتلي يوووه الحين الحمامات زحمه قلت ايه والله
خلينا نوضي هنا قالت والبرقع ايش بتسوين تشيليه؟؟
رحت غرقت يدي وسكرت عيوني وغسلتها وباقي وجهي لا تركته..
عاد هي ماصدقت سوت مثلي مو اقولكم رحنا وخلينا عقلنا في البيت
صلينا على نفس الوضوء
عمتي ونونو لحقونا عن طريق البر يعني مو من البحر
قالوا خلاص انتطرونا حتى نصلي ونجي قلنا اوكيه حنا عند المراجيح اللي عند المسجد
انتظرناهم ويوم جوا رحنا عند اهلنا مره ثانيه طبعا بما انا طالعين من البحر اكيد العبايات مبلله
يعني العبايه كلها امتلت رمل
صرنا كل مانمر من عند واحد يعلق على عباياتنا وشكلنا
يوم طفشت اختي قالت لواحد احسن من وجهك عباياتنا
ويوم وصلنا استقبلونا اخواني طبعا هم اثنين
جلسوا يصورون فينا ويضحكون عشان حالتنا مبهذله
ويقولون ياويلكم عاد وقفنا وجها لوجه قدام الزعيم<<تقصد ابوها
توقعنا يعلق او يهزئ بس ابوي طيب ماقال شي فديته
جلسنا سوا حتى الساعه 8 وقلنا يلا نروح نريح في الشقه بس جا قرار مفاجئ
الا وهوا نركب على القارب امي مارضت خايفه
رحت انا واخواتي الثنيتين واخواني بعد وعمتي وعمي وابوي
جوجو واخوي الطويل
قرروا يسوون فيلم تايتانك وقمنا حنا بعد نمثل معهم وربي قهر حتى الفلبيني ضحك علينا
بس فاتكم ابوي وهو واقف يمثل معنا<<حتى ابوها زاحف
المهم وبعدها رحنا على جسر الملك فهد اللي يودي للبحرين
وتعالوا وشوفوا امي خافت وجلست تصارخ
واحنا فاطسين ضحك عليها اختي نونو جلست تصورها
ههههههههه
رجعنا الشقه هههههههههه هنا عاد يلعن ام الغباء اللي صار فينا
وصلنا اتسبحنا وفطرنا وبعدين قلنا نبي ننام
يعني بنشغل المكيف
ياربي شكل المكيف خربان
مايطلع هوا
مصيبه البيت كله ماعرف وش علته نعدله مو راضي
وبعدين اكتشفنا الكارثه
تدرون ايش ؟؟
طلعنا مو مشغلينه يلعن ام الغباء
وبعدين كل واحد راح ينام بمكان كان بنموت من البرد
مافيه ولا واحد فكر يسكر المكيف
مو كسل بس راح عن بالنا
قمنا العصر يعني على الساعه 5
نظفنا اسنانا وانتظرنا الفطور فطرنا
ويلا على الشاطئ مره ثانيه
بس كان اليوم الثاني تمام التمام
يعني صرنا عاقلين<<رجع لهم عقلهم الحمدالله
بس وش اللي خرب علينا اختي الصغيره شذى عمرها 4 سنوات
تبي تسبح مسكت بيدها ورحت معها المسكينه ندمت انها قالت تبي البحر رحت فقدت توازني
وصرت ادخل وجهها في المويا واطلعه وادخله واطلعه عذبتها
وفي النهايه طحت وطاحت هي معي انا عشاني طويله مادخل وجهي في المويا
بس هي قصيره يعني دخلت كلها وتابت ماتدخل مره ثانيه بالذات معي

خلص اليوم رجعنا وحنا ماودنا نرجع بس والله بالرغم
من اننا رحنا ضحكنا الناس علينا ورجعنا
الا انها احسن طلعه طلعتها في حياتي
ياخي روح فلها لايهمك اللي حولك
خل شعارك في الحياه طنش تعش تنتعش
فلها وربك يحلها
وتوته توته خلصت الحتوته
يلا ياحلوين ابي الردود تراني تعبت وانا اكتب قصة طلعتنا

تسلم ع الموضوع الحلو

يعطيك العافيه وتسلم ايدك

يسلموو اخووي بنيت على الررد الجميل

الله يعافيج يااميرتنا

وتسلميين على المررور