هالمره بسوي نفسي سياسي محنك ..

وبكشف لكم عن وحده من النظريات السياسيه اللي في جعبتي

أنا عندي نظرية في بالي ومؤمن فيها

ألا وهي ” نظرية الذبابه ”

ونظريتي هذي تختلف اختلاف كلي عن نظرية الذبابة اللي المقصود فيها ان الشخص يقع على الشئ ” الخايس ” ويترك الزين..

واما نظريتي غير

فهذه النظرية هي خاصه بالقوى العظمى .. والدول الكبرى المصنفه تحت تصنيف الدول “ المشكلجيه ”

أمثال أمريكا,بريطانيا,فرنسا,وشلتهم .. ولا تهون إيران

نظرية الذبابه بكل بساطه تتكون من ثلاث عناصر ..

1. المشكلجي
2. الضحيه
3. الذبابة

وتبدا ان المشكلجي وده يضرب الضحيه

بس من باب الذوق العام فهو يدور على سبب علشان يضربه ..

فاللي يصير انه يستغل الذبابه ..

وهذا الشئ يتم بحيث انه ينتظر الذبابه لما تجي على الضحيه ..

وبعدها يقوم بصفع الضحيه بكل قوه ..

ولما يسئله الضحيه عن السبب !! ويقوله .. ليييييييييه؟

يقول له المشكلجي .. أنا ما كنت بضربك

أنا كنت بضرب الذبابه

وتستمر العمليه ..

ويتلقى الضحيه ضربة خطافيه في الوجه, واخرى في البطن .. واصبع في العين, وكف على الخد ..

وكل هذا تحت بند .. مطاردة الذبابه

وهذي كل السالفه ..

واللي مَثل دور ” المشكلجي ” كثير

ومن أشهرهم أمريكا ..

والضحايا كانو على سبيل المثال أفغانستان والعراق والسودان

والذبابه كانت الإرهاب

ففي يوم تم قصف السودان .. وعند السؤال كان الهدف هو أسامه بن لادن

وتم غزو العراق تحت حجة وجود علاقه بين النظام البعثي وصدام من جهة وأسامه بن لادن من جهة

وتم غزو أفغانستان تحت حجة طالبان والبحث عن بن لادن

والذبابه هذي يتم تغيرها من وقت الى آخر حسب الحاجه ..

وأنا أرى الذبابه القادمه هم قراصنة الصومال ..

ولكن هذه المره يختلف الوضع

فالمشكلجيه هذي المره كثير ..

وكلهم يبون يصيدون هالقراصنه

وماااااااااااااااااااا قصدهم أي شئ آخر

شوفو معاي هالعناوين :

* سويسرا تدرس إرسال جنود لحماية سفنها من قراصنة الصومال
* بعثة اسطول اوروبية ضد قراصنة الصومال
* الصين ترسل سفنا حربية لمحاربة القرصنة قبالة الصومال
* قراصنة الصومال يدفعون بكين لتحريك أسطولها لأول مرة منذ قرون
* مجلس الامن يسمح بمحاربة القراصنة الصوماليين في البر
* هولندا ستشارك بالمهمة الاوروبية في الصومال
* الإسلاميون في كيسمايو يوقفون سفنا للقراصنة الصوماليين
* واشنطن تعد مشروع قرار في مجلس الأمن لمهاجمة قواعد القراصنة الصوماليين في البر

واللسته تطول

طبعاً أي واحد بيسئل وش الطاري؟ وعلى ايش كل هالفزعه ؟ وايش تبون من كل هالقوى؟

بيقولون لك كل هذا علشان ” الذبانه ” وفي رواية ” الذبابة ”

ومو علشان الصومال او موقعها الإسترتيجي أو علشان اليورانيوم أو المخلفات النوويه أو علشان أي شئ ثاني مثل مايقولون بعض المتشائمين أمثالي..

وهذي هي نظرية الذبابه

سؤالي ..

هل تذكرون لنا مواقف أخرى تم استعمال نظرية الذباذبة فيها؟

أفيدوني مشكورين.


منقووول للامـــانه

مشكورهــ اختي على الموضوع الجميل

كلك على بعضك حلوو

مشكورهـ ومتقصرين

وانشاء الله نشوف جديدكي

ودمتم بسلام